உலகக்கோப்பை கால்பந்து தகுதிசுற்றில் இன்று இந்தியா மற்றும் குவைத் அணிகள் குவைத் சிட்டியில் முதலாவது லீக் ஆட்டத்தில் விளையாடவுள்ளது.
2026 ஆம் ஆண்டு ஆண்களுக்கான உலகக்கோப்பை கால்பந்து தொடர் நடைபெற உள்ளது. அதற்கான ஆசிய மண்டல தகுதி சுற்றின் 2 வது சுற்றில் 36 அணிகள் பங்கேற்றுள்ளன.
36 அணிகளும் 9 பிரிவுகளாக பிரிக்கப்பட்டு தங்களுக்குள் தலா 2 முறை லீக் போட்டியில் விளையாடவுள்ளன. இதன் முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் 3 வது சுற்றுக்கு முன்னேறும்.
இதில் இந்தியா ‘ஏ’ பிரிவில் கத்தார், குவைத் மற்றும் ஆப்கானிஸ்தான் அணிகளுடன் இடம்பெற்றுள்ளது. இந்நிலையில் குவைத் சிட்டியில் இன்று நடைபெறும் முதலாவது லீக் ஆட்டத்தில் இந்திய அணி குவைத் அணியுடன் விளையாடவுள்ளது.
உலகக்கோப்பை கால்பந்து தகுதி சுற்றுக்கான இந்திய அணி :
டிபெண்டர்கள்: ஆகாஷ் மிஸ்ரா, லால்சுங்னுங்கா, மெஹ்தாப் சிங், நிகில் பூஜாரி, ராகுல் பெகே, ரோஷன் சிங் நௌரெம், சந்தேஷ் ஜிங்கன், சுபாசிஷ் போஸ்.
மிட்பீல்டர்கள்: அனிருத் தாபா, பிராண்டன் பெர்னாண்டஸ், கிளான் பீட்டர் மார்ட்டின்ஸ், லாலெங்மாவியா, லிஸ்டன் கோலாகோ, மகேஷ் சிங் நௌரெம், நந்தகுமார் சேகர், ரோஹித் குமார், சாஹல் அப்துல் சமத், சுரேஷ் சிங் வாங்ஜாம், உதாந்த சிங் குமம்.
கோல்கீப்பர்கள்: அம்ரீந்தர் சிங், குர்பிரீத் சிங் சந்து, விஷால் கைத்.
முன்கள வீரர்கள்: இஷான் பண்டிதா, லல்லியன்சுவாலா சாங்டே, மன்வீர் சிங், ராகுல் கன்னோலி பிரவீன், சுனில் சேத்ரி, விக்ரம் பர்தாப் சிங்.
மேலும் 2026 ஆம் ஆண்டு நடைபெற உள்ள உலகக்கோப்பை கால்பந்து தொடருக்கு நிச்சயம் தகுதி பெறுவோம் என்று இந்திய அணியின் கேப்டன் சுனில் சேத்ரி நம்பிக்கை தெரிவித்துள்ளார் என்பது குறிப்பிடத்தக்கது.
