6-ஆம் வகுப்பு முதல் 12-ஆம் வகுப்பு வரை பயிலும் மாணவர்களுக்கான அரையாண்டு தேர்வு அட்டவணையைப் பள்ளிக்கல்வித்துறை வெளியிட்டுள்ளது.
இந்த கல்வி ஆண்டு முதல் தமிழக பள்ளிக்கல்வி பாடத்திட்டத்தில் 6 முதல் 12-ஆம் வகுப்பு மாணவர்களுக்கு மாநில அளவில் ஒரே வினாத்தாள் அடிப்படையில் அரையாண்டு தேர்வு நடைபெறவுள்ளது.
இந்த நிலையில் 6-ஆம் வகுப்பு முதல் 12 ஆம் வகுப்பு வரை பயிலும் மாணவர்களுக்கான, அரையாண்டு தேர்வு அட்டவணையைப் பள்ளிக்கல்வித்துறை வெளியிட்டுள்ளது.
அதன்படி, 11 மற்றும் 12-ஆம் வகுப்பு பயிலும் மாணவர்களுக்கு, வருகிற டிசம்பர் 7-ஆம் தேதி முதல் 22-ஆம் தேதி வரை தேர்வு நடைபெறும் என்றும், இதேபோல 6-ஆம் வகுப்பு முதல் 10-ஆம் வகுப்பு வரை பயிலும் மாணவர்களுக்கு, டிசம்பர் 11-ஆம் தேதி முதல் 21-ஆம் தேதி வரை தேர்வு நடைபெறும் என்று அறிவிக்கப்பட்டுள்ளது.
மேலும், டிசம்பர் 23-ஆம் தேதி முதல் ஜனவரி 1-ஆம் தேதி வரை, மாணவர்களுக்கு அரையாண்டு விடுமுறை அளிக்கப்பட உள்ளது. ஜனவரி 2-ஆம் தேதி பள்ளிகள் திறக்கப்படும் என்று தெரிவிக்கப்பட்டுள்ளது.
