தமிழகத்தில் தொடர்ந்து அதிகரிக்கும் கொரோனா!

தமிழகத்தில் நாளுக்கு நாள் கொரோனா தொற்று அதிகரித்து வரும் நிலையில், கடந்த 24 மணி நேரத்தில் 23 பேருக்கு தொற்று உறுதியாகியுள்ளது.

தமிழகத்தில் கடந்த சில நாட்களாக கொரோனா தொற்றின் பாதிப்பு அதிகரித்து வருகிறது. தமிழகத்தில் நேற்று 528 பேருக்கு கொரோனா பரிசோதனை செய்யப்பட்டது. அதில், 23 பேருக்கு கொரோனா பாதிப்பு உறுதி செய்யப்பட்டுள்ளது.

சென்னையில் 14 பேருக்கும், திருவாரூர் மாவட்டத்தில் 3 பேருக்கும், செங்கல்பட்டு மாவட்டத்தில் 2 பேருக்கும், கோயம்புத்தூர், திருவண்ணாமலை, திருச்சி, திருவள்ளூர் ஆகிய 4 மாவட்டங்களில் தலா ஒருவருக்கும் கொரோனா பாதிப்பு உறுதி செய்யப்பட்டுள்ளது.

கொரோனா பாதிப்பில் இருந்து நேற்று 8 பேர் குணமடைந்து வீடு திரும்பினர். மேலும், சிகிச்சை பெறுவோரின் எண்ணிக்கை 104 ஆக உள்ளது. தமிழகத்தில் நேற்று உயிரிழப்பு ஏதும் ஏற்படவில்லை.