டி20 உலகக்கோப்பை தொடருக்காக இங்கிலாந்து அணிக்கு மேற்கிந்திய அணியின் முன்னாள் கிரிக்கெட் வீரர் பொல்லார்ட் பயிற்சியாளராக தேர்ந்தெடுக்கப்பட்டுள்ளார்.
ஒரு நாள் உலகக்கோப்பை கிரிக்கெட் இந்த ஆண்டு நடைபெற்ற நிலையில் அடுத்த ஆண்டு டி20 உலகக்கோப்பை கிரிக்கெட் தொடர் ஜூன் மாதத்தில் மேற்கிந்திய தீவுகள் மற்றும் அமெரிக்காவில் நடைபெறவுள்ளது. இந்த உலகக்கோப்பையில் பங்குபெற 20 அணிகள் தகுதி பெற்றுள்ளது.
மேலும் இந்தியாவில் நடைபெற்ற ஒரு நாள் உலகக்கோப்பை தொடரில் இங்கிலாந்து அணி படு மோசமாக விளையாடி காலிறுதி சுற்றுக்கு கூட தகுதி பெறாமல் வெளியே சென்றது.
இந்நிலையில் இங்கிலாந்து டி20 அணிக்கு ஆலோசகர் பயிற்சியாளராக வெஸ்ட் இண்டீஸ் அணி வீரர் பொல்லார்ட் நியமிக்கப்பட்டுள்ளார்.
இருப்பினும், இது குறித்து இங்கிலாந்து கிரிக்கெட் வாரியமோ அல்லது பொல்லார்ட் தரப்பில் அதிகாரப்பூர்வ தகவல் எதுவும் தெரிவிக்கப்படவில்லை. இவரால் வெஸ்ட் இண்டீஸ் அணி 2 முறை டி20 உலக கோப்பையை கைப்பற்றியது.
பொல்லார்ட் டி20 கிரிக்கெட்டின் ஜாம்பவான் என்று கருதப்படுகிறார் என்பதில் சந்தேகமில்லை. வீரராக கலக்கி வந்த இவர் பயிற்சியிலும் தற்போது கலக்கி வருகிறார்.
மேலும் ஐபிஎல் மும்பை இந்தியன்ஸ் அணிக்கு பேட்டிங் பயிற்சியாளராக உள்ளார் என்பது குறிப்பிடத்தக்கது.
