இசை மற்றும் பொழுதுபோக்கு உலகில் முடிசூடா மன்னனாக விளங்கிய மைக்கேல் ஜாக்சனின் வாழ்க்கை வரலாறு குறித்த திரைப்படத்தின் ரிலீஸ் தேதி வெளியாகியுள்ளது.
புகழ் பெற்ற பிரபல அமெரிக்க பாப் இசை பாடகர் மைக்கேல் ஜாக்சன், வேகமான நடன அசைவுகளாலும் இனிய குரலாலும் ரசிகர்களை கவர்ந்தார்.
இவர் பாடல் எழுதுவது, இசையமைப்பது, அதற்கேற்ப நடனம் ஆடுவது என்று பன்முக திறமை கொண்டவராகவும் திகழ்ந்தார்.
மைக்கேல் ஜாக்சனுக்கு உலகம் முழுவதும் ரசிகர்கள் உள்ளனர். பல்வேறு நாடுகளில் சுற்றுப்பயணம் செய்து இசை நிகழ்ச்சிகள் நடத்தினார்.
சமூக சேவையிலும் ஈடுபட்டார். 2009 ஆம் ஆண்டு லாஸ் ஏஞ்சல்ஸ் நகரில் உள்ள தனது வீட்டில் மாரடைப்பு ஏற்பட்டு மரணம் அடைந்தார்.
இந்நிலையில் மைக்கேல் ஜாக்சனின் வாழ்க்கை வரலாறு குறித்த திரைப்படம் உருவாகியுள்ளது. இந்த படத்தை போஹெமியன் ராப்சோடி படத்தை தயாரித்த கிரஹாம் கிங் தயாரிக்கிறார்.
மைக்கேல் ஜாக்சனின் அனைத்து இசை ஆல்பங்களில் உள்ள பாடல்களை படத்தில் பயன்படுத்தவும் அனுமதி பெற்றுள்ளார்.
இப்படத்தில் மைக்கல் ஜாக்சன் கதாபாத்திரத்தில் அவரது சகோதரர் ஜெமைன் ஜாக்சனின் மகன் ஜாபர் ஜாக்சன் நடித்துள்ளார்.
அன்டோயின் ஃபுகுவா இயக்கியுள்ள இப்படத்திற்கு ‘மைக்கல்’ என்று பெயரிப்பட்டுள்ளது. இந்நிலையில் தற்போது இப்படத்தின் ரிலீஸ் தேதி குறித்த அறிவிப்பு வந்துள்ளது.
அதன்படி இந்த படம் 2025 ஏப்ரல் 18ஆம் தேதி வெளியாகவுள்ளது. இப்படத்தில் ஜாக்சனின் வாழ்வும், இசையும், சர்ச்சையும் குறித்து இப்படம் பேசும் என்பதே ரசிகர்களின் எதிர்பார்ப்பாக உள்ளது.
