தமிழ்நாடு – இரயில்வேஸ் அணிகளுக்கு இடையே நடைபெற்ற ரஞ்சி கோப்பையில், தமிழ்நாடு அணி அபார வெற்றி பெற்றது.
இந்தியாவின் பல்வேறு நகரங்களில், 89-வது ரஞ்சி கோப்பை கிரிக்கெட் தொடர்ந்து நடந்து வருகிறது. இதில், 32 அணிகள் பங்கேற்றுள்ளன. 32 அணிகள் 4 பிரிவாக பிரிக்கப்பட்டு தொடரில் மோதுகின்றன.
தமிழக அணி ‘சி’ பிரிவில் இடம் பெற்றுள்ளது. தனது 3-வது லீக்கில் இரயில்வேஸ் அணியுடன் மோதியது. இதில், முதலில் பேட்டிங் செய்த தமிழக அணி முதல் நாள் ஆட்டம் முடிவில், 5 விக்கெட்டுக்கு 286 ரன்கள் எடுத்திருந்தது. தொடர்ந்து இரண்டாவது நாளான நேற்று ஆடிய தமிழக அணி முதல் இன்னிங்சில் 144 ஓவர்களில் 489 ரன்கள் குவித்தது. ஜெகதீசன் இரட்டை சதம் விளாசினார்.
இதைத்தொடர்ந்து முதல் இன்னிங்சை தொடங்கிய இரயில்வேஸ் அணி, முதல் இன்னிங்சில் 79.4 ஓவர்களில் 246 ரன்களுக்கு ஆல் அவுட் ஆகி பாலோ ஆன் ஆனது.
இதை அடுத்து, தொடர்ந்து தனது இரண்டாவது இன்னிங்சை தொடங்கிய இரயில்வேஸ் அணி, 44 ஓவர்களில், 114 ரன்னுக்கு ஆல் அவுட் ஆனது.
இதன் மூலம் 129 ரன்கள் வித்தியாசத்தில் தமிழக அணி அபார வெற்றி பெற்றது.
