மகாராஷ்டிர முன்னாள் அமைச்சர் பாபா சித்திக் காங்கிரஸில் இருந்து விலகல்!

 மகாராஷ்டிர முன்னாள் அமைச்சர் பாபா சித்திக் காங்கிரஸில் இருந்து விலகினார்.

மகாராஷ்டிராவின் முன்னாள் அமைச்சர் பாபா சித்திக், 50 ஆண்டுகள் காங்கிரஸில் உறுப்பினராக இருந்த அவர், அதிலிருந்து விலகுவதாக தெரிவித்துள்ளார்.

மும்பை காங்கிரஸின் முக்கிய சிறுபான்மை முகமான சித்திக், காங்கிரஸ்-என்சிபி கூட்டணி ஆட்சியில் இருந்தபோது அமைச்சராகவும் பணியாற்றினார்.

இது குறித்து தனது எக்ஸ் பதிவில்,

I joined the Indian National Congress party as a young teenager and it has been a significant journey lasting 48 years. Today I resign from the primary membership of the Indian National Congress Party @INCIndia with immediate effect. There’s a lot I would have liked to express…

— Baba Siddique (@BabaSiddique) February 8, 2024

“நான் இளம் வயதிலேயே இந்திய தேசிய காங்கிரஸ் கட்சியில் சேர்ந்தேன், அது 48 வருடங்கள் நீடித்த ஒரு குறிப்பிடத்தக்க பயணம். இந்திய தேசிய காங்கிரஸ் கட்சியின்  முதன்மை உறுப்பினர் பதவியில் இருந்து இன்று நான் உடனடியாக ராஜினாமா செய்கிறேன்.

”நான் வெளிப்படுத்த விரும்பிய நிறைய விஷயங்கள் உள்ளன, ஆனால் அவர்கள் சொல்வது போல் சில விஷயங்களைச் சொல்லாமல் விடுவது நல்லது. இந்தப் பயணத்தின் ஒரு பகுதியாக இருந்த அனைவருக்கும் நன்றி,” என்று தெரிவித்துள்ளார்.