இலங்கை அணியில் இருந்து நீக்கப்பட்ட முன்னாள் கேப்டன்!

ஆப்கானிஸ்தான் அணிக்கு எதிரான இலங்கை அணியில் இருந்து முன்னாள் கேப்டன் தசுன் ஷனகா நீக்கப்பட்டுள்ளார்.

ஆப்கானிஸ்தான் கிரிக்கெட் அணி இலங்கைக்கு சுற்றுப்பயணம் மேற்கொண்டுள்ளது.

இந்த இரு அணிகளுக்கும் இடையே 1 டெஸ்ட் போட்டி, 3 போட்டிகள் கொண்ட ஒருநாள் தொடர் மற்றும் டி20 தொடர்களில் விளையாட உள்ளது.

இதில் முதலில் இரு அணிகளுக்கும் இடையே டெஸ்ட் தொடர் நடைபெற்றது. இதில் இலங்கை அணி 10 விக்கெட்கள் வித்தியாசத்தில் அபார வெற்றி பெற்றது.

அதைத் தொடர்ந்து இவ்விரு அணிகளுக்கு இடையே ஒருநாள் தொடர் இன்று தொடங்கியது. இந்த தொடருக்கான 16 பேர் கொண்ட இலங்கை அணி நேற்று அறிவிக்கப்பட்டது.

சமீபகாலமாக பார்ம்மில் இல்லாமல் தடுமாறி வரும் முன்னாள் கேப்டன் தசுன் ஷனகா அதிரடியாக நீக்கப்பட்டார்.

ஜெப்ரி வன்டர்சே, நுவானிது பெர்னாண்டோ ஆகியோருக்கும் இடமில்லை. இவர்களுக்கு பதிலாக ஆல்-ரவுண்டர் சமிகா கருணாரத்னே, தொடக்க ஆட்டக்காரர் ஷிவோன் டேனியல் அழைக்கப்பட்டுள்ளனர்.

குசல் மென்டிஸ் தலைமையிலான இலங்கை அணியில் பதும் நிசாங்கா, அசலங்கா, சமரவிக்ரமா, அவிஷ்கா பெர்னாண்டோ, தீக்ஷனா, ஹசரங்கா உள்ளிட்டோர் இடம் பிடித்துள்ளனர்.