இந்தியாவில் நடைபெற்று வரும் புரோ கபடி தொடரில், நேற்றையப் போட்டியில் தபாங் டெல்லி மற்றும் புனேரி பல்டன் அணிகள் வெற்றி பெற்றன.
இந்தியாவில் உள்ள மாநிலங்களுக்கிடையே கபடி லீக் தொடர் நடைபெற்று வருகிறது. இதில், மொத்தம் 12 அணிகள் பங்குபெற்று விளையாடி வருகின்றன.
இந்த தொடரில், பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்கேற்றுள்ளன.
இந்த நிலையில், நேற்று இரண்டு போட்டிகள் நடைபெற உள்ளது. முதல் போட்டி கொல்கத்தாவில் உள்ள நேதாஜி உள்விளையாட்டு அரங்கத்தில் இரவு 8 மணிக்கு நடைபெற்றது. இதில், தபாங் டெல்லி – தமிழ் தலைவாஸ் அணிகள் விளையாடின.
விறுவிறுப்பாக நடைபெற்ற இந்தப் போட்டியில் தபாங் டெல்லி அணி 45-43 என்ற புள்ளி கணக்கில் வெற்றி பெற்றது. இதைத் தொடர்ந்து, மற்றொரு போட்டி இரவு 9 மணிக்கு நடைபெற்றது. இதில், பெங்கால் வாரியர்ஸ் – புனேரி பல்டன் அணிகள் விளையாடின.
பரபரப்பாக நடைபெற்ற இந்தப் போட்டியில் புனேரி பல்டன் அணி 29-26 என்ற புள்ளி கணக்கில் வெற்றி பெற்றது. இந்த வெற்றியின் மூலம் 2வது இடத்தில இருந்த புனேரி பல்டன் அணி புள்ளி பட்டியலில் முதல் இடத்திற்கு முன்னேறியுள்ளது.
