இலங்கையில் இருந்து தாயகம் திரும்பும் 20 மீனவர்கள்!

இலங்கை சிறையில் அடைக்கப்பட்டுள்ள 20 தமிழக மீனவர்கள் விரைவில் தாயகம் திரும்புவார்கள் எனத் தகவல் வெளியாகியுள்ளது.

ராமேஸ்வரம் மீனவர்கள் இந்திய கடல் எல்லைப் பகுதியில் மீன் பிடிப்பது வழக்கம். இந்த நிலையில், மீனவர்கள் சிலர் இலங்கை மன்னார் – கச்சத் தீவு அருகே மீன் பிடித்துக் கொண்டிருந்தபோது அங்கு வந்த இலங்கை கடற்படையினர், மீனவர்கள் எல்லை தாண்டி மீன் பிடித்ததாகக் கூறி பலரை கைது செய்து வருகின்றனர். இதுவரை ஆயிரத்திற்கும் மேற்பட்டோரை இலங்கை அதிகாரிகள் கைது செய்துள்ளனர். கைது செய்யப்பட்டவர்கள் இலங்கையில் உள்ள சிறைகளில் அடைக்கப்பட்டுள்ளனர்.

இந்த நிலையில், அண்மையில் காங்கேசன் கடல் எல்லை அருகே மீன்பிடித்துக் கொண்டிருந்த 23 மீனவர்களை இலங்கை கடற்படையினர் சிறைப்பிடித்தனர். அவர்களை
ஊர்காவல்துறை நீதிமன்றத்தில் ஆஜர்படுத்தப்பட்ட நிலையில் 20 மீனவர்களை விடுதலை செய்து நீதிபதி உத்தரவிட்டார். விடுதலை ஆன 20 மீனவர்கள் ஓரிரு நாட்களில் தாயகம் திரும்புவார்கள் எனத் தகவல் வெளியாகியுள்ளது.

கைது செய்யப்பட்ட மீனவர்கள், பாரதப் பிரதமர் மோடியின் தீவிர முயற்சியால், விடுதலை செய்யப்பட்டு வருகின்றனர். இதனால், மீனவர்கள் மோடிக்கு பாராட்டு தெரிவித்து வருகின்றனர்.