மத்திய அரசு ஊழியர்கள் தினமும் காலை 9.15 மணிக்குள் அலுவலகம் வர வேண்டுமென மத்திய பணியாளர்கள் மற்றும் பயிற்சித் துறை அறிவுறுத்தியுள்ளது.
காலை 9.15-க்குள் பயோமெட்ரிக் முறையில் வருகையைப் பதிவு செய்யாவிட்டால், கேசுவல் லீவ் எனப்படும் சாதாரண விடுப்பில் அரை நாள் கழிக்கப்படும் என்றும் எச்சரிக்கை விடுக்கப்பட்டுள்ளது.
ஒருவேளை விடுப்பு தேவைப்படுகிறது என்றால் முன்கூட்டியே உயர் அதிகாரிகளிடம் தகவல் அளித்து, விடுப்பை விண்ணப்பிக்க வேண்டும் என்றும் மத்திய பணியாளர்கள் மற்றும் பயிற்சித் துறை தெரிவித்துள்ளது.
பொதுவாக மத்திய அரசு அலுவலகங்கள் காலை 9 மணி முதல் மாலை 5.30 வரை செயல்படுகின்றன. ஆனால், ஜூனியர் நிலையிலான அலுவலர்கள் காலையில் தாமதமாக வந்து மாலையில் சீக்கிரமே வீட்டுக்குத் திரும்பிவிடுவதாக வந்த புகாரின் அடிப்படையில், இந்த அறிவுறுத்தலை பணியாளர்கள் மற்றும் பயிற்சித் துறை வெளியிட்டுள்ளது.
