பாரிஸ் ஒலிம்பிக் ஆடவர் ஹாக்கி அரையிறுதி போட்டியில் ஜெர்மனியுடன் மோதிய இந்தியா தோல்வியடைந்தது.
ஒலிம்பிக் ஆடவர் ஹாக்கி அரையிறுதி போட்டியில் இந்தியா, ஜெர்மனி அணிகள் மோதின. பரபரப்பாக நடந்த ஆட்டத்தின் 7வது நிமிடத்தில் இந்திய வீரர் ஹர்மன்பிரீத் கோல் அடித்தார். இதையடுத்து, ஆட்டத்தில் 18வது மற்றும் 27வது நிமிடங்களில் ஜெர்மனி வீரர்கள் கோல் அடித்தனர். 36வது நிமிடத்தில் இந்திய வீரர் சுக்ஜீத் சிங் கோல் அடித்தார்.
இதனால், இரு அணிகளும் 2க்கு 2 என்ற சமநிலையில் இருந்தன. இதையடுத்து, ஆட்டத்தின் இறுதியில் 54-வது நிமிடத்தில் ஜெர்மனி வீரர் கோல் அடித்தார். இதனால், ஜெர்மனி 3 கோல்கள் என முன்னிலை பெற்றது.
இறுதியில் ஜெர்மனி 3க்கு2 என்ற கோல் கணக்கில் இந்தியாவை வீழ்த்தி அபார வெற்றி பெற்றது. இதன் மூலம் ஒலிம்பிக் ஹாக்கி இறுதிப்போட்டிக்கு ஜெர்மனி முன்னேறியது. அரையிறுதியில் தோல்வியடைந்த இந்தியா நாளை நடைபெற உள்ள வெண்கல பதக்கத்திற்கான போட்டியில் ஸ்பெயினை எதிர்கொள்ள உள்ளது.
