அரசியல் கட்சிகளின் கொடிகளுக்கும், அதில் இடம் பெற்றிருக்கும் உருவங்களுக்கும் ஒப்புதல் மற்றும் அங்கீகாரம் வழங்கப்படுவதில்லை என தலைமை தேர்தல் ஆணையம் தெரிவித்துள்ளது.
புதிய அரசியல் பயணத்தை தொடங்கியிருக்கும் நடிகர் விஜய், தனது தமிழக வெற்றிக் கழகத்தின் கொடியை கடந்த மாதம் அறிமுகப்படுத்தினார்.
தவெக கொடியில் இடம்பெற்றிருந்த யானைகளின் உருவம், தங்கள் கட்சியின் சின்னமாக இருப்பதாக கூறி, பகுஜன் சமாஜ் கட்சி தலைவர்கள் தேர்தல் ஆணையத்தில் புகார் அளித்தனர். பகுஜன் சமாஜ் கட்சி அனுப்பிய கடிதத்திற்கு இந்திய தேர்தல் ஆணையம் பதிலளித்துள்ளது.
அதில், அரசியல் கட்சிகளின் கொடிகளுக்கும், அதில் இடம் பெற்றிருக்கும் உருவங்களுக்கும் ஒப்புதல் மற்றும் அங்கீகாரம் வழங்கப்படுவதில்லை என தெரிவிக்கப்பட்டுள்ளது.
தமிழக வெற்றிக் கழகத்தின் கொடிக்கு எந்தவித பிரச்னை இல்லை என்றாலும்,
சின்னங்கள் மற்றும் பெயர்கள் தொடர்பான முறையற்ற பயன்பாடு தடுப்பு சட்டத்திற்கு உட்பட்ட வகையில் கொடிகள் இருப்பதை உறுதி செய்ய வேண்டும் என கூறப்பட்டுள்ளது.
இந்திய தேர்தல் ஆணையத்தின் விதிகளுக்குட்பட்டு அரசியல் கட்சிகள் செயல்படுவதை உறுதி செய்ய வேண்டும் எனவும், மற்றொரு அரசியல் கட்சிகளின் ஒத்த தோற்றம் உடைய வகையில் கொடிகள் அமைவதை தவிர்க்க வேண்டும் என்றும் அறிவுறுத்தியுள்ளது.
