உலகின் மிகவும் வண்ணமயமான மற்றும் பழமையான திருவிழாக்களில் ஒன்றான ‘வெனிஸ் கார்னிவல்’ இத்தாலியில் தொடங்கி கோலாகலமாக நடைபெற்று வருகிறது.
ஒலிம்பஸ் – விளையாட்டின் தோற்றம் என்ற கருப்பொருளை அடிப்படையாக கொண்டு இந்தாண்டு திருவிழா கொண்டாடப்படுகிறது.
2026 மிலன்-கோர்டினா குளிர்கால ஒலிம்பிக் போட்டிகளை முன்னிட்டு, விளையாட்டு மற்றும் வரலாற்றை இணைக்கும் வகையில் இந்தத் தீம் தேர்ந்தெடுக்கப்பட்டுள்ளது.
பாரம்பரிய உடையில் முகமூடி அணிந்து படகுகளில் நூற்றுக்கணக்கானோர் நீர்வழி ஊர்வலம் மேற்கொண்டது பார்வையாளர்களை வெகுவாகக் கவர்ந்தது.
