காரைக்காலில் இறுதிக்கட்ட பிரச்சாரத்தின்போது பாஜக வேட்பாளர் வீட்டின் முன்பு வெடி வெடித்து கதவை உடைத்து திமுகவினர் அட்டகாசத்தில் ஈடுபட்டனர்.
காரைக்கால் அடுத்த நிரவி திருப்பட்டினம் தொகுதியில் பாஜக சார்பில் மீனாட்சி சுந்தரம் போட்டியிடுகிறார். திருப்பட்டினம் தொகுதியில் பிரச்சாரத்தில் ஈடுபட்ட திமுகவினர் பாஜக வேட்பாளர் மீனாட்சி சுந்தரத்தின் வீட்டின் கதவை உடைத்தும், வெடியை பற்ற வைத்து வீசியும் ரகளையில் ஈடுபட்டனர்.
வீட்டில் யாரும் இல்லாததால் பெரும் அசம்பாவிதம் தவிர்க்கப்பட்டது. அங்கு பாதுகாப்பு பணியில் ஈடுபட்டிருந்த போலீசார், ரகளையில் ஈடுபட்டவர்களை உடனடியாக விரட்டியடித்தனர். மேலும், இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
