மேற்கு தொடர்ச்சி மலைப் பகுதிகளில் தொடரும் கனமழையால் திற்பரப்பு அருவியில் வெள்ளப்பெருக்கு ஏற்பட்டுள்ளது. இதன் காரணமாக இரண்டாவது நாளாக சுற்றுலா பயணிகள் குளிக்க தடை விதிக்கப்பட்டுள்ளது.
மேற்கு தொடர்ச்சி மலை பகுதிகளில் பெய்து வரும் மழையால் பிரதான அணைகளின் நீர் மட்டமும் உயர்ந்து வருகிறது. மேலும், கோதையாற்றில் தண்ணீர் கரைபுரண்டு ஓடுவதால், திற்பரப்பு அருவியில் வெள்ளப்பெருக்கு ஏற்பட்டுள்ளது. அருவியின் அருகில் உள்ள நீச்சல் குளம், கல் மண்டபம் உள்ளிட்ட பகுதிகளை மூழ்கடித்து தண்ணீர் பாய்ந்து செல்கிறது.
இதனால் சுற்றுலா பயணிகள் திற்பரப்பு அருவியில் குளிக்க இரண்டாவது நாளாக தடை நீடிக்கிறது. மரங்கள் சூழ்ந்து பச்சைப் பசேல் என காட்சியளிக்கும் பகுதிகளுக்கு இடையே பெருக்கெடுத்து ஓடும் கோதையாறு மற்றும் திற்பரப்பு அருவியின் ரம்மியமான காட்சி சுற்றுலாப் பயணிகளை வெகுவாக கவர்ந்துள்ளது.
