விஸ்வகர்மா ஜெயந்தியை முன்னிட்டு, நாட்டு மக்களுக்கு விஸ்வகர்மா தின வாழ்த்துத் தெரிவித்திருக்கும் பிரதமர் மோடி, கைவினைஞர்களின் அர்ப்பணிப்பு, திறமை மற்றும் கடின உழைப்பிற்கு நன்றி தெரிவித்தார்.
நாடு முழுவதும் இன்று விஸ்கர்மா ஜெயந்தி கொண்டாடப்படுகிறது. இதையொட்டி, பாரதப் பிரதமர் நரேந்திர மோடி தனது எக்ஸ் பக்கத்தில் வெளியிட்டிருக்கும் பதிவில், “விஸ்வகர்மா அவர்களின் பிறந்தநாளில் உங்கள் குடும்பத்தினர் அனைவருக்கும் மனமார்ந்த வாழ்த்துக்கள். இந்த சந்தர்ப்பத்தில், தங்கள் அர்ப்பணிப்பு, திறமை மற்றும் கடின உழைப்பால் சமுதாயத்தில் புதுமைகளை முன்னெடுத்துச் செல்லும் அனைத்து கைவினைஞர்கள் மற்றும் படைப்பாளிகளை நான் முழு மனதுடன் வணங்குகிறேன்” என்று தெரிவித்திருக்கிறார்.
இதனிடையே, விஸ்வகர்மா ஜெயந்தியை நினைவுகூரும் வகையில், பாரத பிரதமர் நரேந்திர மோடி, 13,000 கோடி ரூபாய் மதிப்பில் பாரம்பரிய தொழில் கலைஞர்களுக்கான பி.எம். விஸ்வகர்மா என்கிற திட்டத்தை டெல்லி துவாரகாவிலுள்ள இந்திய சர்வதேச மாநாட்டுக் கண்காட்சி மையத்தில் இன்று தொடங்கி வைத்தது குறிப்பிடத்தக்கது.
भगवान विश्वकर्मा की जयंती पर अपने सभी परिवारजनों को बहुत-बहुत बधाई। इस अवसर पर अपनी लगन, प्रतिभा और परिश्रम से समाज में नवनिर्माण को आगे ले जाने वाले सभी शिल्पकारों और रचनाकारों का हृदय से वंदन करता हूं। pic.twitter.com/QoxoUN7Gug
— Narendra Modi (@narendramodi) September 17, 2023
