நடுக்கடலில் மீன் பிடித்த தமிழக மீனவர்களை இலங்கை கடற்படையினர் விரட்டி அடித்ததால், மீன்பிடிக்க முடியாமல் மீனவர்கள் கரை திரும்பியுள்ளனர்.
ராமேஸ்வரம் மீன்பிடித் துறைமுகத்திலிருந்து மீன் பிடிப்பதற்கான அனுமதிச் சீட்டை பெற்று சுமார் 300 -க்கும் மேற்பட்ட விசைப் படகுகளில் ஏராளமான மீனவர்கள் நேற்று கடலுக்குச் சென்றனர்.
அவ்வாறு, சென்ற மீனவர்கள் தனுஷ்கோடி மற்றும் தலைமன்னார் இடையேயான பகுதியில் மீன் பிடித்துக் கொண்டிருந்தனர்.
அப்போது, அங்கு திடீரென வந்த இலங்கை கடற்படையினர், தமிழக மீனவர்களின் விசைப் படகுகளைச் சுற்றி வளைத்தனர். திடீரென, மீனவர்கள் மீது தாக்குதல் நடத்தி, விரட்டி அடித்தனர்.
இதனால், தாங்கள் இலங்கை கடற்படையினரால் கைது செய்யப்படலாம் என்ற அச்சத்தில் மீனவர்கள், மீன் பிடிக்காமல் கரை திரும்பினர்.
இந்த சம்பவம் தொடர்பாக, மீன்வளத்துறை அதிகாரிகளிடம் மீனவர்கள் புகார் தெரிவித்துள்ளனர்.
இந்த சம்பவம் ராமேஸ்வரத்தில் பரபரப்பை ஏற்படுத்தியுள்ளது.
