துப்பாக்கி சுடுதல் போட்டியில் இந்தியாவிற்கு மேலும் ஒரு பதக்கம் !

ஆசிய விளையாட்டுப் போட்டியில் இந்திய அணி துப்பாக்கி சுடுதல் பிரிவில் மேலும் ஒரு வெள்ளி பதக்கம் வென்றதுளது.

19 வது ஆசிய விளையாட்டுப் போட்டி சீனாவில் ஹாங்சோ நகரில் நடைபெற்று வருகிறது. இதில் இந்தியா அணி இதுவரை 15 பதக்கங்களை வென்றுள்ளது.

இந்நிலையில் இன்று மகளிர் 50 மீட்டர் ரைபிள் 3 நிலைகள் குழு போட்டி நடைபெற்றது. இதில் இந்திய அணியின் சார்பாக சிஃப்ட் கவுர் சாம்ரா, ஆஷி சௌக்சே மற்றும் மனினி கௌசிக் ஆகியோர் பங்குபெற்றனர்.

இந்த போட்டியில் இந்தியா அணி 1754 புள்ளிகளைப் பெற்று இரண்டாம் இடம் இடித்து வெள்ளி பதக்கம் வென்றது. இந்தியா அணி 19 புள்ளிகளில் தங்கப் பதக்கத்தை தவறவிட்டுள்ளது. இந்தப் போட்டியில் சீன அணி 1773 புள்ளிகளைப் பெற்று தங்கம் வென்றுள்ளது.

ஆசிய விளையாட்டுப் போட்டி துப்பாக்கி சுடுதல் பிரிவில் இதுவரை இந்திய அணி 6 பதக்கங்கள் வென்றுள்ளது குறிப்பிடத்தக்கது.