தீபாவளியை முன்னிட்டு, சென்னையில் இருந்து திருநெல்வேலி, நாகர்கோவில், கோவைக்கு, ஆறு சிறப்பு இரயில்களை இயக்க, தெற்கு இரயில்வே முடிவு செய்துள்ளது.
இந்த ஆண்டு தீபாவளி பண்டிகை, வரும் நவம்பர் 12ம் தேதி கொண்டாடப்படுகிறது. தீபாவளியை முன்னிட்டு மக்கள் தங்கள் சொந்த ஊருகளுக்கு செல்வார்கள் அதற்காக இரயில்வேயில், 120 நாட்களுக்கு முன்பே டிக்கெட் முன்பதிவு துவங்கிவிட்டது.
இதனால் தென் மாவட்ட விரைவு ரயில்களில், அனைத்து டிக்கெட்டுகளும் ஏற்கனவே விற்று தீர்ந்து விட்டன. குறிப்பாக, திருநெல்வேலி, நாகர்கோவில், கன்னியாகுமரி, மதுரை, செங்கோட்டை மற்றும் கோவை விரைவு ரயில்களில் காத்திருப்போர் பட்டியல், 300 யை தாண்டியுள்ளது. அதனால், ஆறு சிறப்பு ரயில்களை இயக்க, தெற்கு ரயில்வே முடிவு செய்துள்ளது.
இதுக்குறித்து இரயில்வே அதிகாரிகள் கூறியதாவது, ” சென்னையில் இருந்து திருநெல்வேலி, நாகர்கோவில் வழித்தடத்தில், நான்கு சிறப்பு இரயில்களும், கோவை வழித்தடத்தில், இரண்டு சிறப்பு ரயில்களும் இயக்க முடிவு செய்துள்ளோம். இதற்கான அறிவிப்பு, அடுத்த மாதம் இறுதியில் வெளியிடப்படும். இது தவிர, முக்கிய விரைவு ரயில்களில், இரண்டு அல்லது மூன்று பெட்டிகளை கூடுதலாக இணைத்து இயக்கப்படும்” இவ்வாறு கூறியுள்ளனர்.
