அசாமில் 2 ஆயிரத்து 92 கோடி ரூபாய் மதிப்பிலான பல்வேறு சுகாதாரத் திட்டங்களை மத்திய உள்துறை அமைச்சர் அமித்ஷா தொடங்கி வைத்தார்.
இரண்டு நாட்கள் சுற்றுப்பயணமாக அசாம் சென்றுள்ள மத்திய அமைச்சர் அமித்ஷா, கவுகாத்தியில் 675 கோடி ரூபாய் மதிப்பீட்டில் நவீன வசதிகளுடன் கட்டப்பட்டுள்ள கட்டடங்களையும், அரசு மருத்துவக் கல்லூரியையும் திறந்து வைத்தார்.
அசாம் கேன்சர் கேர் ஃபவுண்டேஷன் மூலம் அமைக்கப்பட்ட கோலாகாட் மற்றும் தின்சுகியா புற்றுநோய் மையங்களை காணொலி வாயிலாகத் திறந்து வைத்தார்.
டிபு, ஜோர்ஹாட் மற்றும் பார்பெட்டா மருத்துவக் கல்லூரிகளில் சூப்பர் ஸ்பெஷாலிட்டி மருத்துவமனைகள் அமைக்க அமித்ஷா அடிக்கல் நாட்டினார்.
