தேர்தல் ஓட்டுத் திருட்டு குற்றச்சாட்டுகள் குறித்து நாடாளுமன்றத்தில் விவாதிக்கத் தயாரா என மக்களை எதிர்க்கட்சித் தலைவர் ராகுல் காந்திக்கு மத்திய உள்துறை அமைச்சர் அமித்ஷா சவால் விடுத்துள்ளார்.
உத்தரப் பிரதேச மாநிலம் லக்னோவில் நடைபெற்ற பா.ஜ.க ஆலோசனைக் கூட்டத்தில் பேசிய அமித்ஷா, தேர்தல் தோல்விகளுக்குப் பிறகு எதிர்க்கட்சிகள் தங்களைச் சுயபரிசோதனை செய்துகொள்ளாமல் தேர்தல் ஆணையத்தின் மீது பழிபோடுவதாக குற்றம் சாட்டினார். விவாதங்களுக்கு பாஜக எப்போதும் அஞ்சியதில்லை என கூறிய அவர், தங்களிடம் மறைப்பதற்கு ஏதுமில்லை என்றும் தெரிவித்தார்.
மேலும், நாடாளுமன்றத்தின் சிறப்பு கூட்டத் தொடரை கூட்டி தேர்தல் ஓட்டு திருட்டு குற்றச்சாட்டுகள் குறித்து விவாதிக்க ராகுல் காந்தி மற்றும் அகிலேஷ் யாதவ் ஆகியோர் தயாரா எனவும் அவர் சவால் விடுத்தார்.
நாடாளுமன்றத்தை முடக்கும் எதிர்க்கட்சிகள், வீதிகளில் இறங்கி மக்கள் மத்தியில் நாடகமாடுவதாகவும் அமித்ஷா கடுமையாக விமர்சித்தார்.
