திமுக ஆட்சியில் நகராட்சி நிர்வாகம் மற்றும் குடிநீர் வழங்கல் துறையில் நடந்த ஊழல் பணத்தில் கோடிக்கணக்கான ரூபாய், தொலைக்காட்சி நடிகைகளின் வங்கி கணக்குகளுக்கு மாற்றப்பட்டதாக தகவல் வெளியாகியுள்ளது.
முன்னாள் அமைச்சர் கே.என்.நேரு மற்றும் அவரது தம்பிகள் ரவிச்சந்திரன், மணிவண்ணன் உள்ளிட்டோரின் வீடுகள் மற்றும் அலுவலகங்கள் என 25 இடங்களில் லஞ்ச ஒழிப்புத் துறையினர் அண்மையில் நடத்திய சோதனையில் 170 முக்கிய ஆவணங்கள் மற்றும் மின்னணு சாதனங்கள் கைப்பற்றப்பட்டன.
அதில், ஒப்பந்ததாரர்களிடம் 7 சதவீதம் முதல் 10 சதவீதம் வரை கட்சி நிதி என்ற பெயரில் லஞ்சமாக பணம் வசூலித்தது அம்பலமானதாக கூறப்படுகிறது. கே.என்.நேருவின் நிழல் போலச் செயல்பட்ட கவிபிரசாத் கும்பலிடமிருந்து கோவை மற்றும் சென்னையை சேர்ந்த தொலைக்காட்சி நடிகைகளுக்கு வார இறுதி நாட்களில் பல கோடி ரூபாய் கைமாறியுள்ளதாக தெரிகிறது.
கமிஷன் அடிப்படையில் பணத்தைப் பெற்ற இந்த நடிகைகள், கவிபிரசாத் கூறிய பல்வேறு வங்கி கணக்குகளுக்கு அந்த பணத்தை மாற்றம் செய்ததாகவும் கூறப்படுகிறது. இது தொடர்பாக லஞ்ச ஒழிப்பு போலீசார் தீவிர விசாரணை மேற்கொண்டு வருகின்றனர்.
