இந்தியாவில் வறுமை வேகமாகக் குறைந்துள்ளதாக உலக வங்கி வெளியிட்டுள்ள ஆய்வறிக்கையில் தெரிவிக்கப்பட்டுள்ளது.
2011 முதல் 2023-ஆம் ஆண்டு வரையிலான காலகட்டத்தில், இந்தியாவில் 49 கோடியே 60 லட்சம் பேர் வறுமையிலிருந்து மீண்டுள்ளதாக அறிக்கையில் குறிப்பிடப்பட்டுள்ளது.
மிகவும் தீவிரமான வறுமையில் வாழ்ந்தவர்களின் விகிதம் 27.1 சதவீதத்தில் இருந்து 2.6 சதவீதமாகக் குறைந்துள்ளது.
பெண்களிடையே அதிகரித்த வேலைவாய்ப்பு, வலுவான நுகர்வு மற்றும் அரசு வழங்கும் மானியங்கள் ஆகியவை வறுமைக் குறைப்புக்கு முக்கியக் காரணங்களாகச் சுட்டிக்காட்டப்பட்டுள்ளன.
உலகிலேயே இந்தியாவில் வறுமை வேகமாகக் குறைந்துள்ளதாக உலக வங்கி பாராட்டு தெரிவித்துள்ளது.
