மின்சாரத் துறையில் உள்ள சில நபர்கள் வேண்டுமென்றே முக்கிய பிரமுகர்களின் நிகழ்வுகளில் மின்தடையை ஏற்படுத்துவதாக அமைச்சர் நிர்மல் குமார் தெரிவித்துள்ளார்…
மதுரை கோரிப்பாளையத்தில் செய்தியாளர்களிடம் பேசிய அவர், தமிழகம் முழுவதும் உள்ள பல்வேறு சிறைகளில் பாதுகாப்பு குளறுபடிகள் உள்ளதாகவும், தேனி சிறையில் கதவுகள் பூட்டப்படும் நடைமுறையில் உள்ள குளறுபடிகளை பயன்படுத்தி கைதிகள் தப்பியுள்ளதாகவும் தெரிவித்தார்.
“தேனி சிறை கண்காணிப்பாளருக்கு இந்த சம்பவத்தில் தொடர்பு உள்ளதா? என விசாரணை நடைபெற்று வருவதாகவும் அவர் கூறினார்.
“முக்கிய பிரமுகர்கள் கோயிலுக்கு வருவதால், ஜெனரேட்டர் மூலமாக மின் சேவை வழங்கப்பட்டது எனறும், “அந்த இணைப்பு மாற்றத்தின் போது மட்டுமே சற்று நேரம் மின்தடை இருந்தது என்றும் அவர் கூறினார்.
“மின்துறையில் உள்ள சிலர் வேண்டுமென்றே முக்கியஸ்தர்கள் நடக்கும் நிகழ்வுகளில் மின்தடையை ஏற்படுத்துகின்றனர் எனறும், இது குறித்து பொறுப்பில் இருக்கும் நான் அதிகமாக பேச முடியாது என்றும் அவர் குறிப்பிட்டார்.
“நீண்ட கால நோக்கில் இவற்றை சரிசெய்ய முயற்சித்து வருவதாகவும் நிர்மல்குமார் குறிப்பிட்டார்.
