சரக்கு கண்டெய்னர் தயாரிப்பு, கேலோ இந்தியா விளையாட்டு உபகரணங்கள் தயாரிப்பு உட்பட சுமார் 29 ஆயிரம் கோடி ரூபாய் மதிப்பிலான புதிய திட்டங்களுக்கு மத்திய அமைச்சரவை ஒப்புதல் அளித்துள்ளது.
டெல்லியில் மத்திய அமைச்சரவை கூட்டத்தில் எடுக்கப்பட்ட முடிவுகள் தொடர்பாக பேட்டியளித்த மத்திய அமைச்சர் அஸ்வினி வைஷ்ணவ்,
கண்டெய்னர் உற்பத்தியை அதிகரிக்கவும், இறக்குமதியைக் குறைக்கவும் மத்திய அமைச்சரவை 10 ஆயிரம் கோடி ரூபாய்
மதிப்பிலான கண்டெய்னர் உற்பத்தி ஊக்குவிப்புத் திட்டத்திற்கு ஒப்புதல் அளித்துள்ளதாக தெரிவித்தார்.
கேலோ இந்தியா விளையாட்டு உபகரணங்கள் தயாரிப்புத் திட்டத்திற்கு ஆயிரத்து 856 கோடி ரூபாய் ஒதுக்கீடு செய்யப்பட்டுள்ளதாகவும் குறிப்பிட்டார்.
பிரதமர் கிராமப்புற வளர்ச்சி மற்றும் கட்டமைப்பு மேம்பாடு திட்டத்திற்காக 7 ஆயிரத்து 395 கோடி ரூபாய் ஒதுக்கீடு செய்யப்பட்டுள்ளதாகவும் தெரிவித்தார்.
மேலும் மத்திய அரசு ஊழியர்களுக்கான அகவிலைப்படியை 3 சதவீதம் உயர்த்த மத்திய அமைச்சரவை ஒப்புதல் அளித்துள்ளதாகவும், ஜூலை ஒன்று முதல், முன்தேதியிட்டு அமலுக்கு வரும் என்றும் மத்திய அமைச்சர் அஸ்வினி வைஷ்ணவ் தெரிவித்தார்.
