100 கோடி ரூபாய் மோசடி வழக்கில் கைதாகி சிறையில் அடைக்கப்பட்டுள்ள முன்னாள் அமைச்சர் அன்பில் மகேஷை, ஐந்து நாள் காவலில் வைத்து விசாரிக்க அனுமதி கோரி, சென்னை சிறப்பு நீதிமன்றத்தில் மத்திய குற்றப்பிரிவு போலீஸார் மனு தாக்கல் செய்துள்ளனர்.
தனியார் பள்ளிகள் அங்கீகார மோசடி வழக்கில் முன்னாள் அமைச்சர் அன்பில் மகேஷ் கைது செய்யப்பட்டு புழல் சிறையில் அடைக்கப்பட்டுள்ளார். தனக்கு ஜாமின் கோரி அன்பில் மகேஷ், சென்னை ஊழல் தடுப்பு சிறப்பு நீதிமன்றத்தில் மனு தாக்கல் செய்துள்ளார். இந்நிலையில், அன்பில் மகேஷை ஐந்து நாள் காவலில் எடுத்து விசாரிக்க அனுமதி கோரி ஊழல் தடுப்பு சிறப்பு நீதிமன்றத்தில், சென்னை மத்திய குற்றப்பிரிவு போலீசார் மனு தாக்கல் செய்துள்ளனர். அதில், தலைமறைவாக உள்ள முன்னாள் எம்எல்ஏ முத்துகுமார் உடனான தொடர்புகள், யார் யாரிடம் எவ்வளவு பணம் பெறப்பட்டுள்ளது? வேறு யார் இதில் இடைத்தரகர்களாக செயல்பட்டுள்ளனர்? மற்றும் பணப்பரிமாற்றங்கள் குறித்து அன்பில் மகேஷிடம் விசாரணை நடத்த வேண்டியிருப்பதாக தெரிவிக்கப்பட்டுள்ளது.
