டாடா சன்ஸ் நிறுவனத் தலைவர் என்.சந்திரசேகரனின் மறுநியமனம் தொடர்பாக ராகுல் காந்தி கூறிய கருத்துக்கு மத்திய அமைச்சர் நிர்மலா சீதாராமன் பதிலடி கொடுத்துள்ளார்.
டாடா சன்ஸ் நிறுவனத் தலைவர் என்.சந்திரசேகரனின் மறுநியமனம் தொடர்பாக, டாடா டிரஸ்ட்ஸ் தலைவர் நோயல் டாடா ஆட்சேபம் தெரிவித்துள்ள நிலையில், இதனைச் சுட்டிக்காட்டிய ராகுல் காந்தி, இந்தியத் தொழில் நிறுவனங்களை மத்திய அரசு தனது விருப்பப்படி நடத்துவதாகக் குற்றஞ்சாட்டினார். இதற்குப் பதிலளித்த மத்திய அமைச்சர் நிர்மலா சீதாராமன், வணிகம் மற்றும் சட்டம் சார்ந்த விவகாரங்களை குற்றவியல் பிரச்னையாகச் சித்தரிப்பதும், ஒவ்வொரு விவகாரத்தையும் அரசியலாக்குவதும் ஏற்கத்தக்கதல்ல எனத் தெரிவித்துள்ளார். மேலும், தொழில்முனைவோரின் வளர்ச்சிக்கும், தொழில் நிறுவனங்களை ஊக்குவிப்பதற்கும், முதலீடுகளை ஈர்ப்பதற்கும் மத்திய அரசு முக்கியத்துவம் அளிப்பதாக அவர் குறிப்பிட்டுள்ளார்.
