முகேஷ் அம்பானியின் ஜியோ பிளாட் ஃபார்ம்ஸ் நிறுவனத்தின் IPO பங்குச்சந்தை அதன் முதலீட்டாளர்களுக்கு 21% லாபத்தை வழங்கியுள்ளது.
இந்தியாவின் மிகப்பெரிய IPO-வான ஜியோ பிளாட்ஃபார்ம்ஸ் பங்குகள், தேசிய பங்குச்சந்தை மற்றும் மும்பை பங்குச்சந்தையில் ஆயிரத்து 358 ரூபாய் என்ற விலையில் பட்டியலிடப்பட்டுள்ளது.
பங்குகள் ஒதுக்கீடு பெற்ற முதலீட்டாளர்களுக்கு முதல் நாளிலேயே சுமார் 21% உறுதியான லாபம் வழங்கப்பட்டது,
இந்த IPO-விற்கு 1.2 கோடிக்கும் அதிகமான விண்ணப்பங்கள் குவிந்து, இந்தியாவின் ஒட்டுமொத்த பங்குச்சந்தை வரலாற்றிலேயே புதிய சாதனையை படைத்துள்ளது.
இதன் அறிமுக விழா மும்பையில் கோலாகலமாக நடைபெற்ற நிலையில் தகுதிவாய்ந்த நிறுவன முதலீட்டாளர்கள் பிரிவில் 70.55 மடங்கு விண்ணப்பங்கள் பெறப்பட்டன.
மும்பையில் நடைபெற்ற IPO பட்டியலிடும் விழாவில், ஜியோ பிளாட்ஃபார்ம்ஸ் நிறுவனத்தின் இயக்குநர் ஆனந்த் அம்பானி பங்கேற்று பேசினார். அப்போது பேசிய அவர் ஜியோ குடும்பத்தின் உறுப்பினர்களுக்கு நன்றி எனவும் முதலீட்டாளர்களின் கனவை நிறைவேற்றுவதே தங்களின் நோக்கம் எனவும் தெரிவித்தார். இவரது உரையை கண்டு மகிழ்ச்சியடைந்த முகேஷ் அம்பானி ஆனந்த கண்ணீர் சிந்தினார்
