அர்னாப் புயல் ஆந்திரக் கடற்கரையில் கரையைக் கடக்கும் செயல்முறை தொடங்கிய நிலையில், மணிக்கு 125 முதல் 135 கிலோமீட்டர் வேகத்தில் பலத்த காற்று வீசி வருகிறது.
ஆந்திர மாநிலம் பாபட்லா மற்றும் விசாகப்பட்டினம் இடையே, ஏனாம் அருகே அதிகாலை 1.20 மணியளவில், அர்னாப் புயல் கரையைக் கடக்கும் செயல்முறை தொடங்கியதாக இந்திய வானிலை ஆய்வு மையம் தெரிவித்துள்ளது.
இந்தப் புயல் காரணமாக மணிக்கு 150 கிலோமீட்டர் வேகம் வரை காற்று வீசக்கூடும் என்பதால், கடலோரப் பகுதிகளில் முன்னெச்சரிக்கை நடவடிக்கைகள் தீவிரப்படுத்தப்பட்டுள்ளன. கனமழை மற்றும் தாழ்வான பகுதிகளில் கடல் நீர் புகும் அபாயம் இருப்பதால் பொதுமக்கள் எச்சரிக்கையுடன் இருக்க அறிவுறுத்தப்பட்டுள்ளனர்.
