அடுத்த மாதம் மீண்டும் த.வெ.க. அரசு மீது நம்பிக்கையில்லா தீர்மானம் – ஆர்.பி.உதயகுமார் தகவல்!

அடுத்த மாதம் மீண்டும் த.வெ.க. அரசு மீது நம்பிக்கையில்லா தீர்மானம் கொண்டு வர வாய்ப்பு உள்ளதாக, முன்னாள் அமைச்சர் ஆர்.பி.உதயகுமார் தெரிவித்துள்ளார்.

ராமநாதபுரம் மாவட்டம், கமுதி அருகே உள்ள பசும்பொன் கிராமத்தில் முத்துராமலிங்கத் தேவரின் 119-வது ஜெயந்தி விழா மற்றும் 64-வது குருபூஜை விழா வரும் 28ம் தேதி முதல் 30ம் தேதி வரை நடைபெற உள்ளது.

இந்த நிலையில் முத்துராமலிங்கத் தேவர் திருவுருவச் சிலைக்கு அதிமுக சார்பில் வழங்கப்பட்ட தங்கக் கவசம் அணிவிக்கப்பட்டது. இந்நிகழ்வில் முன்னாள் அமைச்சர் ஆர்.பி.உதயகுமார், மணிகண்டன் உள்ளிட்ட கட்சி நிர்வாகிகள் பங்கேற்றனர். பின்னர் செய்தியாளர்களிடம் பேசிய ஆர்.பி.உதயகுமார், தவெக அரசுக்கு தனிப்பெரும்பான்மை இல்லை என்று தெரிவித்தார்.குதிரை பேரத்தை தமிழக மக்கள் ஒருபோதும் ஏற்க மாட்டார்கள் என்றும் அவர் கூறினார்.