பழனி தண்டபாணி சுவாமிகள் கோயில் மடத்துக்குச் சொந்தமான 16 கோடி ரூபாய் மதிப்பிலான நில மோசடி வழக்கில், சார்பதிவாளர் உள்ளிட்ட 5 பேர் மீது சிபிசிஐடி போலீசார் குற்றப்பத்திரிகை தாக்கல் செய்துள்ளனர்.
கோயில் மடத்துக்குச் சொந்தமான 1.35 ஏக்கர் நிலத்தை, சுமார் 2 கோடி ரூபாய்க்கு விற்பனை செய்வதற்கான பத்திரம் தயாரித்து, பதிவு செய்ததாகப் புகார் எழுந்தது. இந்து சமய அறநிலையத்துறையின் மேல்முறையீடு நிலுவையில் இருந்தபோதும் பத்திரம் பதிவு செய்யப்பட்டதாக விசாரணையில் தெரியவந்துள்ளது.
இந்த வழக்கில் 160-க்கும் மேற்பட்ட சாட்சிகளிடம் விசாரணை நடத்தப்பட்டதுடன், பல்வேறு துறை ஆவணங்களும் ஆய்வு செய்யப்பட்டுள்ளன. மேலும், சார்பதிவாளர் உள்ளிட்ட 5 பேர் மீது சிபிசிஐடி போலீசார் விசாரணை நீதிமன்றத்தில் குற்றப்பத்திரிகை தாக்கல் செய்துள்ளனர். மேலும், இதில் தொடர்புடைய பிற நபர்கள் மற்றும் ஊழல் தடுப்புச் சட்டம் தொடர்பான அம்சங்கள் குறித்தும் விசாரணை நடத்தி வருகின்றனர்.
