விலைவாசி உயர்வை கட்டுப்படுத்த மத்திய அரசு நடவடிக்கை மேற்கொண்டு வருவதாக, மத்திய நிதியமைச்சர் நிர்மலா சீதாராமன் தெரிவித்துள்ளார்.
திருச்சி சத்திரம் பேருந்து நிலையம் அருகே உள்ள சீதாலட்சுமி ராமசாமி கல்லூரியில் 75வது ஆண்டு பவள விழா நிகழ்ச்சி நடைபெற்றது. இதில் சிறப்பு விருந்தினராக மத்திய நிதி அமைச்சர் நிர்மலா சீதாராமன் கலந்து கொண்டு, விழா ஆண்டு மலரை வெளியிட்டார்.
மாணவிகள் மத்தியில பேசிய அவர், நாட்டில் பெண்களின் கல்வி வளர்ச்சி மற்றும் சமூக முன்னேற்றம் கடந்த சில தசாப்தங்களில் குறிப்பிடத்தக்க அளவில் உயர்ந்துள்ளதாக தெரிவித்தார்.
இதனைத்தொடர்ந்து செய்தியாளர்களிடம் பேசிய நிர்மலா சீதாராமன், விலைவாசி உயர்வை கட்டுப்படுத்த மத்திய அரசு நடவடிக்கை மேற்கொண்டு வருவதாகத் தெரிவித்தார்.
கொரோனாவுக்கு பின்னர் அனைத்து நாடுகளிலும் கடன் சுமை அதிகரித்துள்ள நிலையில், இந்தியாவின் கடன் ஒவ்வொரு ஆண்டும் குறைந்து வருவதை பல அயலக நாட்டு அமைப்புகள், தரவுகள் அடிப்படையில் தெரிவித்து வருவதாக நிர்மலா சீதாராமன் குறிப்பிட்டார்.
