கனமழை காரணமாக கொடைக்கானல் – பழனி பிரதான சாலையில் மண்சரிவு ஏற்பட்டு போக்குவரத்து பாதிக்கப்பட்டுள்ளது.
திண்டுக்கல் மாவட்டம், கொடைக்கானலில் கடந்த மூன்று நாட்களாக பெய்து வரும் மழையால், பல்வேறு பகுதிகளில் மரங்கள் முறிந்து விழுவதுடன், மண்சரிவும் ஏற்பட்டு வருகிறது. இந்நிலையில், இரவு பெய்த கனமழையால், பி.எல்.செட் அருகே சாலையில் மண், கற்கள் மற்றும் பாறைகள் சரிந்து விழுந்தன. இதனால், அந்த வழியாகச் செல்லும் வாகனங்கள் காத்திருக்கும் நிலை ஏற்பட்டுள்ளது.
fமேலும், மேல்மலை கிராமங்களுக்குச் செல்லும் சாலைகளிலும் மரங்கள் முறிந்து விழுந்ததால் போக்குவரத்து பாதிக்கப்பட்டுள்ளது. இரவு 10 மணி முதல் காலை 7 மணி வரை வாகனப் போக்குவரத்துக்குத் தடை உள்ள நிலையில், காலையில் அனுமதிக்கப்பட்ட வாகனங்கள் காத்திருப்பதால், சாலையை விரைந்து சீரமைக்க வேண்டும் என பொதுமக்கள் கோரிக்கை விடுத்துள்ளனர்.
