நீலகிரிக்கு சுற்றுலா வந்து மண்சரிவில் சிக்கித் தவித்த 200-க்கும் மேற்பட்ட கேரள மாணவர்கள் பத்திரமாக மீட்கப்பட்டு அனுப்பி வைக்கப்பட்டனர்.
கேரள மாநிலம் கோட்டயத்தில் இருந்து நீலகிரிக்கு கல்விச் சுற்றுலா வந்த 200-க்கும் மேற்பட்ட மாணவர்கள், பர்லியார் பகுதியில் ஏற்பட்ட தொடர் நிலச்சரிவால் நான்கு பேருந்துகளுடன் சிக்கித் தவித்தனர். இதையடுத்து மீட்புக் குழுவினர் மாணவர்களைப் பத்திரமாக மீட்டு மேட்டுப்பாளையம் அழைத்து வந்தனர். அங்கு அவர்களை தங்கவைத்து உணவு, குடிநீர் வழங்கப்பட்டது. பின்னர் மாற்று பேருந்துகள் மூலம் மாணவர்கள் பாதுகாப்பாக கேரளத்திற்கு அனுப்பி வைக்கப்பட்டனர்.
