தனியார் பள்ளிகளுக்கு அங்கீகாரம் வழங்குவதற்காக நூறு கோடி ரூபாய் வரை மோசடி செய்யப்பட்ட வழக்கில், முன்னாள் அமைச்சர் அன்பில் மகேஷின் முன்ஜாமின் மனுவை தள்ளுபடி செய்து சென்னை உயர்நீதிமன்றம் உத்தரவிட்டுள்ளது.
பள்ளிகளுக்கு அங்கீகாரம் பெற்றுத் தருவதாகக் கூறி 100 கோடி ரூபாய் வரை பணம் வசூலித்து மோசடி செய்ததாக தனியார் பள்ளிகள் சங்கத் தலைவர் அரசகுமார், முன்னாள் அமைச்சர் அன்பில் மகேஷ் உள்ளிட்டோர் மீது சென்னை மத்திய குற்றப்பிரிவு போலீசார் வழக்குப்பதிவு செய்தனர்.
இந்த வழக்கில் முன்ஜாமின் கோரி முன்னாள் அமைச்சர் அன்பில் மகேஷ் சென்னை உயர்நீதிமன்றத்தில் மனுத்தாக்கல் செய்திருந்தார்.
இந்த மனு நீதிபதி லட்சுமி நாராயணன் முன்னிலையில் விசாரணைக்கு வந்தது. அப்போது அன்பில் மகேஷ் தரப்பில், விசாரணைக்கு முழு ஒத்துழைப்பு வழங்கி வருவதால் முன்ஜாமின் வழங்க வேண்டும் என கோரப்பட்டது.
இதனை தொடர்ந்து காவல்துறை தரப்பில், இதுவரை 17 கோடியே 26 லட்ச ரூபாய்க்கும் மேல் பணப்பரிமாற்றம் நடந்துள்ளதாகவும், தலைமறைவாக உள்ள முத்துக்குமாரைக் கண்டறிய அன்பில் மகேஷிடம் விசாரணை நடத்த வேண்டியுள்ளதாகவும் தெரிவிக்கப்பட்டது.
இருதரப்பு வாதங்களையும் கேட்ட நீதிபதி, அன்பில் மகேஷின் முன் ஜாமின் மனுவைத் தள்ளுபடி செய்து உத்தரவிட்டார்.
