வெற்றிப் பயணத் திட்டத்தால் மகளிர் மற்றும் திருநங்கைகளின் பயண எண்ணிக்கை அதிகரித்துள்ள நிலையில், அரசின் மானியத் தொகையும் உயர்ந்துள்ளதாக தமிழக அரசு தெரிவித்துள்ளது.
வெற்றிப் பயணத் திட்டம் அமலுக்கு வந்த பிறகு, தினசரி பயணிகளின் எண்ணிக்கை 72 லட்சத்து 64 ஆயிரத்தில் இருந்து 89 லட்சத்து 99 ஆயிரமாக அதிகரித்துள்ளது.
இதன் மூலம் தினசரி 17 லட்சத்து 35 ஆயிரம் பேர் கூடுதலாகப் பயனடைந்து வருகின்றனர்.
கூடுதல் பயணிகளால் ஏற்படும் செலவினங்களுக்குத் தேவையான மானியத்தை அரசு வழங்கி வருவதாகவும், ஊழியர்களின் சம்பளம், ஓய்வூதியம் மற்றும் பேருந்து பராமரிப்புப் பணிகள் தொடர்ந்து நடைபெறுவதாகவும் தெரிவிக்கப்பட்டுள்ளது.
மேலும், அரசு போக்குவரத்துக் கழகங்களின் பேருந்து சேவையில் எந்தவித இடையூறும் இல்லை என்றும் தமிழக அரசு விளக்கம் அளித்துள்ளது.
