தமிழகத்தில் மின்வெட்டு பிரச்னையை சமாளிக்க அரசிடம் தொலைநோக்கு திட்டம் இல்லை என்றும், அறிவிக்கப்படாத மின்வெட்டால் சிறு, குறு தொழில்களும் வியாபாரிகளும் பாதிக்கப்பட்டுள்ளதாகவும் பாஜக முன்னாள் தேசிய மகளிரணி தலைவர் வானதி சீனிவாசன் குற்றம்சாட்டியுள்ளார்.
கோவையில் தந்தையை இழந்த 100-க்கும் மேற்பட்ட பெண் குழந்தைகளுக்கு தீபாவளியை முன்னிட்டு புத்தாடை, இனிப்பு மற்றும் பட்டாசுகள் வழங்கும் நிகழ்ச்சி நடைபெற்றது.
மக்கள் சேவை மையம் சார்பில் நடந்த நிகழ்ச்சியில் பாஜக முன்னாள் தேசிய மகளிரணி தலைவர் வானதி சீனிவாசன் கலந்து கொண்டு குழந்தைகளுக்கு தீபாவளி பரிசுகளை வழங்கினார்.
பின்னர் செய்தியாளர்களிடம் பேசிய அவர், ஒரே சிறையில் அதிக எண்ணிக்கையிலான கைதிகள் தப்பியது தமிழகத்திற்கு தலைக்குனிவை ஏற்படுத்தியுள்ளதாக கூறினார்.
சட்டம்-ஒழுங்கு மற்றும் பெண்கள் பாதுகாப்பில் திமுக ஆட்சிக்கும் தற்போதைய தவெக ஆட்சிக்கும் எந்த வித்தியாசமும் இல்லை என விமர்சித்த அவர், தவறு செய்த முன்னாள் அமைச்சர்கள் மீது ஆதாரங்களின் அடிப்படையில் நடவடிக்கை எடுக்க வேண்டும் என தெரிவித்தார்.
