இயல், இசை, நாடக மன்றத் தலைவர் பதவிக்கு 5 கோடி ரூபாய் லஞ்சம் கொடுக்க ஒருவர் முன்வந்ததாக அமைச்சர் ராஜ்மோகன் தெரிவித்திருப்பது சர்ச்சையை ஏற்படுத்தியுள்ளது.
சென்னை எழும்பூர் அரசு அருங்காட்சியக அரங்கத்தில் தமிழ்நாடு நாள் விழா கொண்டாடப்பட்டது. நிகழ்ச்சியில் பசிய அமைச்சர் ராஜ்மோகன், இயல் இசை நாடக மன்ற தலைவர் பதவிக்காக 5 கோடி ரூபாய் தர ஒருவர் முன்வந்ததாக லயோலா மணி தன்னிடம் கூறியதாக குறிப்பிட்டார்.
500 கோடி ரூபாய் கொடுத்தாலும் காசு வாங்கிக்கொண்டு பதவி வழங்க மாட்டேன் என்றும், அந்த பதவி உரிய நபருக்குத்தான் என்றும் கூறியதாக அமைச்சர் ராஜ்மோகன் தெரிவித்தார்.
5 கோடி ரூபாய் லஞ்சம் கொடுக்க முன்வந்த நபர் யார் என்பதை நாட்டு மக்களுக்கு தெரிவிக்க வேண்டும் என அதிமுக முன்னாள் அமைச்சர் ஜெயக்குமார் வலியுறுத்தியுள்ளார்.
சென்னை ராயப்பேட்டையில் செய்தியாளர்களிடம் பேசிய அவர், அமைச்சர் ராஜ்மோகனின் பேச்சை குறிப்பிட்டு, லஞ்சம் வாங்குவதும் குற்றம், லஞ்சம் கொடுப்பதும் குற்றம் என்றார். லயோலா மணி கூட்டி வந்த, 5 கோடி ரூபாய் லஞ்சம் கொடுக்க முன்வந்த நபர் யார்? என்று கேள்வி எழுப்பினார்.
