சென்னையில் மூடப்பட்ட டாஸ்மாக் கடை முன்பு மதுப்பிரியர்கள் சாலை மறியலில் ஈடுபட முயன்றதால் பரபரப்பு ஏற்பட்டது.
காலி மதுபாட்டில் திட்டம் தொடர்பாக, சென்னையில் டாஸ்மாக் பணியாளர்கள் பணி புறக்கணிப்பு போராட்டம் நடத்தினர். இதனால் பல இடங்களில் டாஸ்மாக் கடைகள் திறக்கப்படாமல் இருந்தது.
திருவொற்றியூர் தொகுதிக்கு உட்பட்ட எல்லையம்மன் கோவில் கடற்கரை சாலை பகுதியில் டாஸ்மாக் கடை திறக்கப்படாமல் இருந்ததால் ஆத்திரமடைந்த மதுப்பிரியர்கள், சாலை மறியலில் ஈடுபட முயன்றனர்.
ஒரு சிலர் சாலையின் நடுவே சென்று வாகனங்களை வழிமறித்தனர். தகவல் அறிந்து சம்பவ இடத்திற்கு போலீசார் வந்ததும், மதுப்பிரியர்கள் தலைதெறிக்க ஓடினர். அப்போது மதுபோதையில் இருந்த சிலர் போலீசாரிடம் கடையை திறக்க கோரிக்கை விடுத்தனர்.
