ஆசியப் போட்டிகள் ஆடவர் ஹாக்கி பிரிவில் இறுதிச்சுற்றில் ஜப்பான் அணியை எதிர்த்து இந்திய அணி களமிறங்கவுள்ளது.
சீனாவின் ஹாங்சோ நகரில் ஆசிய போட்டிகள் விறுவிறுப்பாக நடைபெற்று வருகிறது. 12ஆம் நாள் முடிவில் இந்தியா தரப்பில் 21 தங்கம், 32 வெள்ளி மற்றும் 33 வெண்கலம் என்று மொத்தமாக 86 பதக்கங்களை வென்றுள்ளது. இந்த நிலையில் இன்றைய நாளில் இந்தியாவுக்கு இன்னொரு தங்கம் கிடைக்கும் வாய்ப்பு உருவாகியுள்ளது.
ஆடவர் ஹாக்கிப் பிரிவில் இந்திய அணி இறுதிப்போட்டியில் ஜப்பான் அணியை எதிர்கொள்கிறது. இந்தப் போட்டி மாலை 4 மணிக்கு தொடங்கவுள்ளது. இதனால் ஆசிய போட்டிகளில் மொத்தமாக 100 பதக்கங்களை வெல்ல வேண்டும் என்ற கனவு நிறைவேறும் என்று எதிர்பார்க்கப்படுகிறது.