மத்திய காஷ்மீரின் கந்தர்பால் மாவட்டத்தில் உள்ள சோஜிலாவின் மேல் பகுதியில் கடும் பனிப்பொழிவைத் தொடர்ந்து, சோனாமார்க்-ஜோஜிலா சாலைத் தற்காலிகமாக மூடப்பட்டுள்ளது.
ஜம்மு காஷ்மீரில் டிசம்பர் முதல் மார்ச் வரை தொடங்கும் குளிர்காலத்தில், அதிசய பூமியாக மாறும். குல்மார்க்கில், சுற்றுலாப் பயணிகள் பனிப்பொழிவை ரசித்து, பனி சிற்பங்களை உருவாக்குவார்கள்.
குளிர்கால விளையாட்டுகளுக்கும் சுற்றுலா தலமாக இருப்பதுடன், இது பனிச்சறுக்கு தலமாகவும் உள்ளது.
இதற்கிடையில், இந்த பருவமழை காலத்தில் மோசமான பேரழிவைக் கண்ட இமாச்சலப் பிரதேசம் மீண்டும் பனிப்பொழிவால், ஐந்து மாவட்டங்களில் இருபத்தி நான்கு சாலைகள் மூடப்பட்டுள்ளன. மாநில பேரிடர் மேலாண்மை ஆணையத்தின் தரவுகளின்படி, “லாஹவுல்-ஸ்பிடி மாவட்டத்தில் 16 சாலைகள், சிம்லாவில் 4, குலுவில் 2 மற்றும் காங்க்ரா மற்றும் கின்னார் மாவட்டங்களில் தலா 1 சாலைகள் மூடப்பட்டுள்ளன.
சுமார் 1 அங்குல பனி குவிந்ததால் வழுக்கும் சாலை நிலைமைகள் ஏற்பட்டுள்ளதால் போக்குவரத்து இயக்கம் தற்காலிகமாக நிறுத்தப்பட்டுள்ளது.
