தமிழக சட்டப்பேரவை கூட்டத் தொடர் இன்று மாலையுடன் நிறைவடைகிறது.
தமிழக சட்டப்பேரவை கூட்டத் தொடர் கடந்த 9- ம் தேதி துவங்கியது. பல்வேறு நிகழ்ச்சிகளைச் தொடர்ந்து, இன்று மாலையுடன் கூட்டத் தொடர் நிறைவடைகிறது.
இந்த நிலையில், வேளாண் மண்டலத்தில், மயிலாடுதுறை மாவட்டத்தையும் சேர்க்கும் வகையில், வேளாண் மண்டல திருத்தச் சட்ட முன் வடிவு தாக்கல் செய்யப்படுகிறது. சட்ட முன்வடிவை வேளாண் துறை அமைச்சர் எம்.ஆர்.கே.பன்னீர் செல்வம் தாக்கல் செய்ய உள்ளார்.
மேலும், தமிழகத்தில் ஆட்டோ கட்டணத்தை முறைப்படுத்துவது தொடர்பான சட்ட முன்வடிவு இன்று தாக்கல் செய்யப்படும் என்று தகவல் வெளியாகியுள்ளது. இதனைப் போக்குவரத்துத் துறை அமைச்சர் சிவசங்கர் தாக்கல் செய்ய உள்ளார்.
தமிழக சட்டப்பேரவை இதற்கு முன்னர் மார்ச் மாதம் 20-ம் தேதி தொடங்கி, ஏப்ரல் 21-ம் தேதி நிறைவு பெற்றது குறிப்பிடத்தக்கது.
