சீனாவில் வேலைவாய்ப்பின்மை அதிகரித்து வருவதால், இளைஞர்கள் வேலைவாய்ப்பின்றி திண்டாடி வருகின்றனர்.
உலகின் இரண்டாவது அதிக மக்கள் தொகை கொண்ட நாடாக சீன உள்ளது. இந்த நாட்டில் சமீப காலமாக வேலை வாய்ப்பின்மை அதிகரித்து வருகிறது. இதுகுறித்து நியூசிலாந்தின் விக்டோரியா பல்கலைக் கழகம் ஆய்வு செய்தது.
சீனாவில் தற்போது, 21.3 சதவீதம் இளைஞர்கள் வேலை இல்லாமல் தவிப்பதாக நியூசிலாந்தின் விக்டோரியா பல்கலைக்கழகம் ஆய்வறிக்கையில் குறிப்பிட்டுள்ளது. இது கொரோனா காலகட்டத்துக்கு முன்பு இருந்ததை விட இரண்டு மடங்குகள் அதிகமாக உள்ளது.
அந்நாட்டில் வேலைவாய்ப்பின்மை காரணம், அரசாங்கத்தின் முரண்பாடான சில கொள்கைகளே முக்கிய காரணம் என அறிஞர்கள் கூறியுள்ளனர். அதில் ஒன்று கிராமப்புற இளைஞர்களுக்குச் சரியான வேலைவாய்ப்பு இல்லாதது. மற்றொன்று, ஒரே குழந்தை திட்டம். இத்திட்டம் கடந்த 7 ஆண்டுகளுக்கு முன்னரே அரசால் கைவிடப்பட்டாலும் அதன் தாக்கம் மக்களிடம் இன்னும் உள்ளது.
சீனாவில் ஏற்பட்டுள்ள வேலையில்லா திண்டாட்டம் உலகளாவிய விநியோக சங்கிலியிலும் பாதிப்பை ஏற்படுத்தும். மற்ற நாடுகளின் வெற்றிகரமான நடவடிக்கைகளில் இருந்து சீனா தகுந்த முடிவை எடுக்க வேண்டும் என அந்த ஆய்வறிக்கையில் தெரிவிக்கப்பட்டுள்ளது.
இதற்கிடையே சீனாவின் குறைந்து வரும் வேலைவாய்ப்பின்மை குறித்து கோல்ட்மேன் சேக்ஸ் நிறுவனம் ஆய்வறிக்கை வெளியிட்டிருந்தது. அதில் கொரோனா காலத்திற்கு முன்பு 10 சதவீதமாக இருந்த வேலைவாய்ப்பின்மை, ஜூன் மாதம் 20.4 சதவீதமாக அதிகரித்தது என்று தெரிவித்திருந்தது குறிப்பிடத்தக்கது.
