ரோகித் சர்மாவுக்கு காத்திருக்கும் குட்டி தங்க உலகக்கோப்பை.
13-வது உலகக்கோப்பை கிரிக்கெட் தொடர் இந்தியாவில் நடைபெற்று வருகிறது. இதில் இந்திய அணி தனது முதல் 2 ஆட்டங்களில் ஆஸ்திரேலியா மற்றும் ஆப்கானிஸ்தான் அணிகளை வீழ்த்தி வெற்றிப் பெற்றுள்ளது.
இதில் ஆப்கானிஸ்தானுக்கு எதிரானப் போட்டியில் ரோஹித் சர்மா பல சாதனைகளை முறியடித்து 131 ரன்களையும் எடுத்துள்ளார்.
இந்நிலையில், அகமதாபாத்தை சேர்ந்த நகை வியாபாரி ரவூப் ஷேக் என்பவர் 0.9 கிராம் எடையில் தங்கத்திலான உலகக்கோப்பை மாதிரியை 2 மாதத்தில் வடிவமைத்து சாதனை படைத்துள்ளார். இது உலகக் கோப்பை கிரிக்கெட் போட்டியின் கோப்பையைப் போன்றே சிறிய வடிவில் தங்கத்தைக் கொண்டு தயாரிக்கப்பட்டுள்ளது.
இதுகுறித்து அவர், இதனை நாளை நடைபெற உள்ள இந்தியா – பாகிஸ்தான் அணிகளுக்கு இடையேயான லீக் ஆட்டத்தின் போது இந்திய கிரிக்கெட் அணியின் கேப்டன் ரோகித் சர்மாவுக்கு வழங்க விருப்பம் இருப்பதாக தெரிவித்துள்ளார்.
