திருப்பதி ஆர்ஜித சேவை: எந்த நாளில் எந்த டிக்கெட் கிடைக்கும்?

2024-ம் ஆண்டு ஜனவரி மாதத்திற்கான ஏழுமலையான் ஆர்ஜித சேவை சீட்டு ஒதுக்கீட்டைத் திருமலை-திருப்பதி தேவஸ்தானம் வெளியிட உள்ளது.

திருமலை – திருப்பதியில் சுப்ரபாதம், தோமாலை, அர்ச்சனை, அஷ்டதலபாதமாராதன சேவைகள் நடைபெறுவது வழக்கம். இந்த நிலையில், ஜனவரி மாதத்திற்கான சுப்ரபாதம், தோமாலை, அர்ச்சனை உள்ளிட்ட சேவைகளுக்கு, வரும் 18 -ம் தேதி காலை 10 மணி முதல் 20 -ம் தேதி காலை 10 மணி வரை இணையத்தில் பதிவு செய்யலாம். ஆனால், 22-ம் தேதி மதியம் 12 மணிக்குள் அதற்குரிய கட்டணம் செலுத்த வேண்டும்.

கல்யாணோத்ஸவம், ஆர்ஜித பிரம்மோத்ஸவம், ஊஞ்சல் சேவை, சஹஸ்ரதிபாலங்கர சேவை சீட்டுகள் வரும் 21 -ம் தேதி காலை 10 மணிக்கு வெளியாகிறது.

சேவை சீட்டு 21 -ம் தேதி மாலை 3 மணிக்கு வெளியிடப்படும். அதேபோல, அங்கப்பிரதட்சணம் டோக்கன் ஒதுக்கீடு 23 -ம் தேதி காலை 10 மணிக்கும், ஸ்ரீவாணி டிரஸ்ட் பிரேக் தரிசனம் அக்டோபர் 23ம் தேதி காலை 11 மணிக்கு வெளியிடப்படும்.

முதியோர் மற்றும் மாற்றுத்திறனாளிகளுக்கான தரிசன டோக்கன்கள் 23 -ம் தேதி மாலை 3 மணிக்கும், 24 -ம் தேதி காலை 10 மணிக்கு ரூ.300 சிறப்பு அனுமதிச் சீட்டு வெளியாக உள்ளது.

திருமலையின் ஸ்ரீஹரி சேவா கோட்டா 27 -ம் தேதி காலை 10 மணிக்கும், வனிதா சேவா கோட்டா 12 மணிக்கும், பரகாமணி சேவா கோட்டா பிற்பகல் 3 மணிக்கும் வெளியிடப்படும்.