சீனாவில் நடைபெற்று வரும் ஆசிய பாரா விளையாட்டு போட்டிகளுக்கான ஆண்கள் பேட்மிண்டர் பிரிவில் இந்திய வீரர்கள் இரண்டு பதக்கங்களை வென்றுள்ளனர்.
சீனாவின் ஹாங்சோ நகரில் பாரா ஆசிய விளையாட்டுப் போட்டிகள் நடைபெற்று வருகிறது. இதில் இந்திய வீரர்கள் வீராங்கனைகள் பதக்கங்களை குவித்து வருகின்றனர்.
இதில் இன்று ஆண்களுக்கான பேட்மிட்டன் போட்டி நடைபெற்றது. இதில் இந்திய அணியின் சார்பாக பிரமோத் பகத் மற்றும் நிதேஷ் பங்கேற்றனர்.
இதன் இறுதிப்போட்டியில் பிரமோத் பகத் தனது நாட்டவரான நிதேஷ்ஸை பின்னுக்கு தள்ளி முதல் செட்டை 22-20 என்ற கணக்கில் முடித்தார்.
பின்னர் இரண்டாவது செட்டில் நிதேஷ் கடுமையாக போராடி 21-18 என்ற நிலைக்கு கொண்டுவந்தார். மூன்றாவது சுற்றில் 21-19 என்ற கணக்கில் பிரமோத் முன்னிலை வகித்து 2-1 என்ற கணக்கில் வெற்றிப் பெற்று தங்க பதக்கத்தை கைப்பற்றினர்.
இதனால் நிதேஷுக்கு வெள்ளி பதக்கம் கிடைத்தது.
