72 வயதில் தனது கனவை நோக்கும் ஓடும் கேரளாவை சேர்ந்த சிங்கப்பெண்.
22-வது ஆசிய மாஸ்டர்ஸ் தடகள சாம்பியன்ஷிப் போட்டிகள் பிலிப்பைன்ஸ் நாட்டில் நியூ கிளார்க் சிட்டி தடகள மைதானத்தில் நடைபெற்றது.
இந்தப் போட்டியில் இந்தோனேசியா, பிலிப்பைன்ஸ் நாடுகளை சேர்ந்த பலரும் பங்கேற்றனர். அதேபோல் கேரளாவின் திருவனந்தபுரம் நகரை சேர்ந்த 72 வயது ஆனா இந்திரா தேவி கலந்துக் கொண்டார்.
இந்திய பெண்மணியான இந்திரா 80 மீட்டர் தடகள பந்தயத்தில் பந்தயத்தில் பங்குபெற்றார். இவர் 44.32 வினாடிகளில் இலக்கை அடைந்து போட்டியில் இரண்டாம் இடம் பிடித்து வெள்ளி பதக்கம் வென்றுள்ளார்.
இது குறித்து பேசிய இந்திரா, ” குடும்பம் மற்றும் பிற பொறுப்புகள் இருந்ததால் விளையாட்டுக்கு அதிகம் முக்கியத்துவம் கொடுக்காமல் இருந்தேன். ஆனால், இப்போது சாதனை படைக்கும் தருணம் வந்துள்ளது, ஆகையால் போட்டிகளில் பங்கேற்று வெற்றி வாகை சூடுவேன்” என கூறியுள்ளார்.
ஆசிரியராக பணியாற்றிய இந்திரா ஓய்வு பெற்ற பின் தனது 65-வது வயதில் கனவுகளை நோக்கி ஓட ஆரம்பித்தார். சர்வதேச போட்டிகளில் பங்கேற்க ஆரம்பித்த இவர் 2019-ம் ஆண்டு தடகளத்தில் 5-வது இடம் பெற்றார்.
இந்நிலையில், தற்போது வெள்ளி பதக்கம் வென்று நாட்டுக்கு பெருமை சேர்த்துள்ளார். அடுத்து உலக சாம்பியன்ஷிப் போட்டியில் வெற்றி பெறும் ஆர்வத்தில் உள்ளார்.
