சையத் மோடி பேட்மிண்டன் : வெற்றியாளர் யார்?

சையத் மோடி நினைவு சர்வதேச பேட்மிண்டன் போட்டி லக்னோவில் நடைபெற்று வருகிறது.

இதில் நேற்று ஆண்கள் ஒற்றையர் பிரிவு போட்டி நடைபெற்றது. இதன் முதல் சுற்றில் முன்னாள் நம்பர் ஒன் வீரர் இந்தியாவின் கிடாம்பி ஸ்ரீகாந்த் மற்றும் சீனதைபே அணியின் சியாவ் ஹாவ் லீ ஆகியோர் மோதின.

இதில் சீனதைபே அணியின் சியாவ் ஹாவ் லீ 21-23, 8-21 என்ற செட் கணக்கில் இந்தியாவின் கிடாம்பி ஸ்ரீகாந்த்தை வீழ்த்தினார்.

அதேபோல் நேற்று நடைபெற்ற மற்றொரு போட்டியில் உலக பேட்மிண்டனில் வெண்கலம் வென்றவரான இந்தியாவின் சாய் பிரனீத் கென்டோ நிஷிமோட்டோவுடன் மோதினார்.

இதில் கென்டோ நிஷிமோட்டோ 17-21, 15-21 என்ற செட் கணக்கில் சாய் பிரனீத்தை வீழ்த்தினார்.

அதே சமயம் பிரியன்ஷூ ரஜாவத், கிரண் ஜார்ஜ், சதீஷ்குமார் ஆகிய இந்தியர்கள் தங்களது முதல் சுற்றில் வெற்றி பெற்றனர்.

பெண்கள் ஒற்றையர் பிரிவில் இந்திய இளம் வீராங்கனை உன்னட்டி ஹூடா மற்றும் இந்திய வீராங்கனை ஆகர்ஷி காஷ்யப் ஆகியோர் மோதினர்.

இதில் உன்னட்டி ஹூடா 15-21, 21-19, 21-18 என்ற செட் கணக்கில் சக நாட்டவர் ஆகர்ஷி காஷ்யப்பை வீழ்த்தி 2-வது சுற்றுக்கு முன்னேறினார்.

மற்றொரு போட்டியில் ஜப்பானின் நஜோமி ஒகுஹரா 18-21, 21-17, 21-10 என்ற செட் கணக்கில் இந்தியாவின் மாள்விகா பன்சோத்தை வீழ்த்தினார்.