ஜூனியர் பெண்களுக்கான 10 வது உலகக்கோப்பை ஹாக்கி போட்டியின் முதல் போட்டியில் இந்திய வீராங்கனைகள் 12-0 என்ற கோல் கணக்கில் கனடாவை வீழ்த்தினர்.
ஜூனியர் பெண்களுக்கான 10 வது உலகக்கோப்பை ஹாக்கி போட்டி, சிலியில் நேற்று தொடங்கியது. மொத்தம் 16 அணிகள் பங்கேற்ற இந்தப் போட்டி, 12 நாள்கள் நடைபெற்று டிசம்பர் 10 ஆம் தேதி நிறைவடைகிறது.
இப்போட்டியில் முதல் நாளான நேற்று இந்தியா மற்றும் கனடா அணிகள் பங்குபெற்றது. இதில் இந்திய வீராங்கனைகள் தனது அதிரடியான ஆட்டத்தால் 12-0 என்ற கோல் கணக்கில் கனடாவை வீழ்த்தினர்.
இதில் இந்திய அணியின் அன்னு 4, 6 மற்றும் 39 ஆகிய நிமிடங்களில் மொத்தமாக 3 கோல் அடித்தார். இவற்றைத் தொடர்ந்து 21 வது நிமிடத்தில் டிபி மோனிகா ஒரு கோல் அடித்தார்.
அடுத்ததாக மும்தாஜ் கான் 26, 41,54, 60 ஆகிய நிமிடங்களில் 4 கோலை அடித்தார். பின்னர் தீபிகா சோரெங் 34, 50, 54 ஆகிய நிமிடங்களில் 3 கோலை அடித்தார். கடைசியாக 45 வது நிமிடத்தில் நீலம் ஒரு கோல் அடித்தார்.
கடைசிவரை கனடா அணியின் ஒரு கோல் கூட அடிக்கவில்லை. இதனால் இந்திய பெண்கள் 12-0 என்ற கோல் கணக்கில் கனடாவை வீழ்த்தி வெற்றி வாகை சூட்டினர்.